Сардэчна запрашаем а Музычны Адвентавы Каляндар 2014

This post is also available in немецкий Па-англійску польский Па-чэшску

Шаноўныя інтэрнаўты,

усё змяняецца, а Музычны Адвентавы Каляндар (скарочана МАК) застаецца. Трываюць апошнія прыгатаванні шостага выдання, якое вы асабіста запусціце 1 снежня роўна а 00:01.

Ідэя нашага перадсвяточнага музычнага падарожжа выводзіцца з пратэстанцкай каляндарнай традыцыі, што нарадзілася прыкладна ў ХІХ стагоддзі ў нямецкамоўных краінах. На нашай старонцы вы не знойдзіце цукерак. Мы прапаноўваем музычныя салодкасці з такіх краінаў як Германія, Чэхія, Польшча ды Беларусь, што ўваходзяць у склад ГФПС (Навукова-Культурнае Таварыства ў Цэнтральнай і Усходняй Еўропе).

Нашыя засады не змяніліся: штодзённа з 1 па 24 снежня на старонцы будзе з’яўляцца новая музычная салодкасць. Яе рэцэпт просты: тэледыск абранай для календара групы, уступнае слова і непасрэдна тэкст песні. Сёлета вас чакае неспадзеўка: побач з арыгіналамі сваё месца зоймуць тлумачэнні на афіцыйныя мовы ГФПСу, а ў асобных выпадках яшчэ і на ангельскую. А каманда з Гамбургу будзе сачыць, каб наш сайт у інтэрнэце быў дасканалы і прыгожы.

Таксама далучайцеся і ўдзельнічайце ў жыцці нашай старонкі на Фэйсбуку. Нагадаем, што, як заўсёды, найбольш актыўныя атрымліваюць падарункі.

Запрашаем скаштаваць з намі музычных адвентавых салодкасцяў, каб –як у мінулыя гады — выбраць найсмачнейшы кавалак-2014. Прэзентацыя ўсіх хітоў шостага выдання па традыцыі адбудзецца 6 студзеня 2015 году.

Сёлетні мікс абяцае быць стылёвым і густоўным, а па часе – пунктуальным як ніколі.

Спадзяемся, што кожны знойдзе для сябе той найсмачнейшы (а можа і не адзін) кавалак, і жадаем Вам адвентавага спакою, развагі і адной асалоды!

Ваш
Калектыў Музычнага Адвентавага Календару

(для цікаўных і зацікаўленых яго ўдзельнікі тут LINK)